2024-08-25

Emergency Response Plan

پلانی فریاگوزاری رووداوی نەخوازراو

پلانی فریاگوزاری رووداوی نەخوازراو رێبەرێکە ئامادەکراوە بۆ پاراستنی قوتابی و مامۆستا و فەرمانبەر و خزمەتگوزار و سەردانکەرانی زانکۆی سۆران . ئەم رێبەرە هاریکارە بۆ رووبەرووبونەوە و شێوازی مامەڵەکردن لەگەڵ ئەو رووداوە لەناکاو و نەخوازراوانەی  کە رەنگە لە کەمپی زانکۆ رووبدەن؛ وەکو کارەساتی سروشتی و مرۆیی و فریاگوزاری تەندروستی و مەترسی ئەمنی. ئەم پلانە  لەسەر هەموو یەکە و هۆبە و بەش و فاکەڵتییەکانی زانکۆ جێبەجێ دەبێت؛ وەکو هۆلی خوێندن بەشەناوخۆیی، ژووری مامۆستایان، ژووری فەرمانبەران و یەکەکانی بەڕێوەبردن و سەنتەرەکان.

لە هەموو بارودۆخەکاندا هاوکاری کردن و پاراستنی ژیانی ئەوانیدی کاری پێشینەی هەموومانە. تەسویرنەکردن و وێنەنەگرتنی رووداوەکان و بارودۆخی نالەباری ئەوانەی دەوروبەرمان دەرخەری ئەخلاقی بەرزی ئێمەیە و رێگریکردنە لە بڵاوبونەوەی دڵەراوکێ و بریندارکردنی هەستی ئەوانەی لەناو بارودۆخە نەخوازراوەکەدان.

رێکارەکانی سەلامەتی:

v   فریاگوزاری ئاگرکەوتنەوە

·        راستەوخۆ پەیوەندی بکە بە ژمارەی ئاگرکوژێنەوە

·        خێرا لە نزیکترین رێگەی دەرچوون لە باڵەخانەکە برۆ دەرەوە،  بەرزکەرەوە (مصعد) بەکارمەهێنە

·        هاوکاری خاوەن پێداویستی تایبەت و بەساڵاچوان بکە بۆ چوونەدەرەوە.

·        کە دەرچویت دەرگا لەدوای خۆت دابخە بۆ ئەوەی رێگە لە گەیشتنی ئۆکسجین بە ئاگرەکە بگریت.

·        مەگەڕیوە ناو باڵەخانەکە بۆ هێنانی کەل و پەلەکانت.

v   فریاگوزاری بومەلەرزە

                     لەناو باڵەخانە:

·        بچەمێرەوە  سەر ئەژنۆ و دەستەکانت لە شێوەی کرنۆش بردن وبمێنەوە .

·        بچۆ ژێر مێز و موبیلیات  و خۆت داپۆشە بۆ ئەوەی لە بەرکەوتن  پارێزراوبیت، ئەگەر ژوورەکە موبیلیاتی تێدانەبوو برۆ ناوەڕاستی ژوور و دەست و قۆڵت بخەرە سەر سەر و ملت و  لە دیوار و پەنجەرە دوور بکەرەوە.

·        لە ئامادەباشی دابە، هەر بومەلەرزەکە وەستا رابکە دەرەوە. لە کاتی بومەلەرزەدا رامەکە دەرەوە، زۆربەی برینداربوونەکان لەم حالەتە روودەدەن.

                    لە دەرەوە:

·       رابکە شوێنێکی کراوە و دورکەرەوە لە باڵەخانە و لەو کەل و پەلانەی  کە ئەگەری کەوتنەخوارەوەیان هەییە.

·        ئەگەر ناتوانی رابکەی، خۆت بخەرە سەر ئەژنۆ، سەر و ملت داپۆشە و چاوەڕێ بکە.

·        ئەگەر لەناو ئۆتۆمۆبێل بوویت، ئۆتۆمۆبێلەکە بوەستێنە و لەناوی بمێنەرەوە تا بومەلەرزەکە تەواو دەبێت.

·        دوای بومەلەرزەکە دڵنیابەرەوە لە سەلامەتی خۆت و ئەوانی دەوروبەرت ولە ئەگەری هەبوونی بریندار پەیوەندی بە فریاگۆزاری تەندروستییەوە بکە.

·        دوای تەواوبوونی بومەلەرزە بۆ ماوەییەک  بەرزکەرەوە (مصعد) و تاقیگەکان بەکارمەهێنە.

·        دوای تەواوبوونی بومەلەرزە، لەو شوێنانە دووربکەورەوە کە بەشێکیان روخاوە و شکاوە.

v   فریاگوزاری  بارانی بەخوڕ و لافاو

·        لەناو باڵەخانە بمێنەرەوە ورێگەبگرە لە چونەدەرەوەی ئەوانیدی، لە نهمۆمی ژێرزەمینی و نهۆمی یەکەم مەمێنەرەوە و هەوڵبدە  لە بەرزایی دابیت.

·        ئامێرە کارەباییەکان بەکارمەهێنە بۆ ئەوەی خۆت لە بارگاوی بوونی کارەبایی بپارێزی.

·        دەرگاو پەنجەرەکان دابخە بۆ رێگری کردن لە هاتنەژورەوەی ئاو.

·        هاوکاری بەساڵاچوان و خاوەن پێداویستی تایبەت بکە.

v   فریاگوزاری تەندرووستی

·        لە ئەگەری روداوی نەخوازراو لەناو کەمپی زانکۆ، کەوتن، شکان، خوێنبەربوون یان هەر تێکچوون و شلەژانێکی جەستەیی و دەروونی راستەوخۆ پەیوەندی بە بەڕێوبەرایەتی تەندروستی و سەلامەتی زانکۆ بکە.

·        فریاگوزاری سەرەتایی ئەنجامبدە ( راهێنانەکان لەم لینکە ببینە)

·        لەگەڵ بریندارەکە بمێنەرەوە و هاوکاری دەروونی بکە و ئارامی بکەرەوە تا ستافی تەندروستی دەگەن یان دەگەیەنرێتە نەخۆشخانە.

v   فریاگوزاری تاقیگە زانستییەکان

·        کاتێک هەستت کرد مادەییەکی کیمیایی رژا یان دزەیکرد راستەوخۆ ژوورەکە جێ بهێلە.

·        خۆت بەدوربگرە لە بەرکەوتن و دەست لێدانی و ئەوانەی دەوروبەریشت ئاگادار بکەرەوە.

·        پەیوەندی بە بەرپرسی تاقیگەکە بکە و ئاگاداری بڵاوبکەرەوە و رێگری بکە لە چونەژورەوەی ئەوانیدی.

v   فریاگوزاری تەقەکردن

·        رابکە و شوێنەکە بەجێبهێڵە ئەگەر زانیت دەتوانی بە سەلامەتی لێی دەربچی.

·        خۆت حەشاردە ئەگەر زانیت ناتوانی شوێنەکە بەجێبهێڵیت، دەرگا کلیل بدە و روناکی بکوژێنەوە.

·        لە کۆتا رێگەچارە ئەگەر هیچ رێگاییەکی رزگاربوونت نەبوو و تەقەکەرەکەش هێرشی هێنا بجەنگە و شەربکە.

·        پەیوەندی بە سکیۆرتی زانکۆوە بکە.

پەیوەندیکردن بە بەشەکانی فریاکەوتن:

·       خزمەتگوزاری فریاکەوتنی زانکۆ [ ژمارەی مۆبایل]

·       ئاگرکوژێنەوە[ ژمارەی مۆبایل]

·       پۆلیس [ژمارەی مۆبایل]

·       سکیورتی زانکۆ [ ژمارەی مۆبایل]

·       فریاکەوتنی تەندروستی و سەلامەتی زانکۆ[ ژمارەی مۆبایل]

·       سەنتەری هاریکاری قوتابی [ژمارەی مۆبایل]