2025-02-05

یاداشتنامه‌یەکی لێكتێگه‌یشتن‌ لە نێوان زانکۆی سۆران و سه‌ندیكای جیۆلۆجیانی كوردستان واژۆکرا.

لەژێر ڕوشنایی پلانی ستراتیژی زانکۆی سۆران، بۆ کاری هاوبەش لەگەڵ کومەڵگە و کەرتی حکومی و کەرتی تایبەت، هەروەها له‌ ڕوانگه‌ى خواستی هاوبه‌ش بۆ به‌رزكردنه‌وه‌ی هاوكاری زانستی و ئه‌كادیمی و پراكتیكی له‌ بواری جیۆلۆجی و زانستی زه‌وناسیدا و باوه‌ڕبوون به‌ گرنگی ئاڵوگۆری زانیاری و شاره‌زایی بۆ به‌دیهێنانی گه‌شه‌پێدانی به‌رده‌وام و باشترکردنی توانا زانستی و پیشه‌ییه‌كان خزمەت کردنی زیاتر، لە رۆژی چوارشەممە، ٥ـی شوباتی ٢٠٢٥، یاداشتنامه‌یەکی لێكتێگه‌یشتن‌ لە نێوان زانکۆی سۆران و سه‌ندیكای جیۆلۆجیانی كوردستان واژۆکرا.  
دوای بەخێرهاتنێکی گەرم لە فەرمان عەبدولرەزاق، نەقیبی سەندیکای جیۆلۆجیانی کوردستان و سامی موسا، سەرۆکی لقی جیۆلۆجیانی هەولێر، لەلایەن پ.ی.د. ئەیاد نوری فەقێ، ڕاگری فاکەڵتیی زانست- زانکۆی سۆران و بە ئامادەبوونی ژمارەیەک لە مامۆستایانی بەشی پترۆلێوم جیۆساینس، هەردوولا جەختیان  کردەوە لە پته‌وكردنی هاریكاری له‌ بواره‌كانی ئه‌كادیمی و توێژینه‌وه‌ له‌ نێوان سه‌ندیكا و زانكۆ، بۆ په‌ره‌پێدان بە پرۆگرامه‌ ئه‌كادمیییه‌كان، بە مەبەستی دابینكردنی پێداویستییه‌كانی بازاڕی كار له‌ بواری جیۆلۆجیدا بۆ دەرچووەکان.

Additional Images