2024-12-18

Students of Soran University won the first prize in an international competition for the second time.

قوتابیانی زانکۆی سۆران بۆ جارێکی تریش توانیان ببنە پاڵەوانی پێشبێرکێیەکی نێودەوڵەتی

ڕۆژی چوارشەمە، ١٨ـی کانوونی یەکەم ٢٠٢٤، قوتابیانی بەشداربووی پڕۆگرامی (Global Solutions Sustainability Challenge)، توانیان لە قۆناغی کۆتایی پلەی یەکەم بەدەست بهێنن و ببنە براوەی خەڵاتی دارایی پڕۆگرامەکە. 

لە درێژەی کار و چالاکییەکانی سەنتەری پەرپێدانی کار- زانکۆی سۆران بە هەماهەنگی لەگەل ڕێکخراوی IREX ئەمەریکی،  

پۆلێک لە قوتابییانی زانکۆی سۆران، بە سەرپەرشتیی سەنتەری پەرەپێدانی کار، لە چالاکییەکی نێودەوڵەتی شان بە شانی زانکۆکانی عێراق و ئەمەریکا و ئوردن بۆ ماوەی  (٨) ھەفتە بەشداربوون کە لە لایەن م. سەروان  سدیق مامۆستا لە بەشی ئینگلیزی/ فاکەلتیی ئاداب بەڕێوەدەبرا. 

وەک سروشتی چالاکییەکان، تیمی زانکۆکانی عێراق و ئوردن لەگەڵ تیمی زانکۆکانی ئەمریکا یەکدەگرن بە مەبەستی دورستکردنی تیمێکی نێودەوڵەتی. بۆ ئەم جارە تیمی زانکۆی سۆران لەگەڵ تیمی زانکۆی (Kansas University)ـی ویلایەتە یەکگرتووەکانی ئەمەریکا بوون.

پڕۆژەکە گرنگی دەدات بە [ئاسانکردنی گەشتیاری و گواستنەوە لە رێگەی داهێنانی پلاتفۆتمی هۆسپیتیوم]، هۆسپیتیۆم سەکۆیەکە کە ئەمریکا و کوردستان بەیەکەوە دەبەستێتەوە لە ڕێگەی ئاڵوگۆڕی کولتووری و ئەزموونی مانەوە لەگەڵ ئەندامانی ماڵ، کە تیایدا گەشتیاری بەرەوپێش دەبات و پەیوەندییەکی مانادار لە نێوان کولتوورەکاندا دروست دەکات. داهێنانی ناوازە و بەکارهێنانی پراکتیکی نیشان دەدا. 

ئەم پڕۆژەیە ستایشی زۆری لەلایەن دادوەرەکانەوە بەدەستهێنا. ئەم دەستکەوتە سەرنجڕاکێشە تیشک دەخاتە سەر خۆبەخشی و کاری تیمی و شارەزایی قوتابیانی زانکۆی سۆران، هەروەها ڕێنماییە بە نرخەکانی سەرپەرشتیاریەکان. لە ڕێگەی ئەم هاوکارییەوە، قوتابیان نەک تەنها بەهرەکانیان پیشان دا بەڵکو پەیوەندی نێوان کولتوورییەکانیان بەهێزتر کرد و بەشدارییان کرد لە چارەسەرکردنی کێشەکانی جیهانی ڕاستەقینە. ئەم سەرکەوتنە جارێکی دیکە پێگەی زانکۆی سۆران وەک پێشەنگێک لە پەروەردەکردنی باشی ئەکادیمی جیهانی دووپات دەکاتەوە.

ئەم سەرکەوتنە مەزنە لە تەواوی مامۆستا و قوتابیانی زانکۆی سۆران  پیرۆز بێت

Additional Images